Ilon Mask sudda OpenAI rahbariyatini firibgarlikda aybladi

Ilon Mask OpenAI rahbariyatini xayriya tashkilotini o'zlashtirib olishda aybladi

Tesla rahbari Ilon Mask Kaliforniya federal sudida OpenAI kompaniyasiga qarshi ko'rsatma berdi. Bu haqda Zamin.uz xabar berdi.

Tadbirkor Sem Altman va boshqa hammuassislarni notijorat tashkilotni amalda o'g'irlaganlikda aybladi. Techcrunch nashri xabariga ko'ra, sud majlisi davomida Mask Tesla hozirda umumiy sun'iy intellekt (AGI) tizimini yaratish bilan shug'ullanmayotganini tan oldi.

Bu bayonot uning bir necha hafta avval ijtimoiy tarmoqlarda e'lon qilgan ma'lumotlariga zid kelmoqda. Sud jarayonida OpenAI advokati Uilyam Savitt Maskning o'zi ham o'tmishda kompaniyani tijorat tuzilmasiga aylantirish g'oyasini qo'llab-quvvatlaganini isbotlashga harakat qildi.

Tadbirkor 2016-yilda ushbu masala bo'yicha muzokaralar o'tkazganini tasdiqladi. Maskning so'zlariga ko'ra, u avvaliga OpenAI rahbariyatining insoniyat manfaati uchun xizmat qiluvchi texnologiyalar yaratishiga ishongan, biroq keyinchalik ularning niyatlariga nisbatan shubhalar paydo bo'lgan.

Sudya Ivonn Gonsales Rojers xavfsizlik masalalariga oid so'roqlarni vaqtincha to'xtatishga qaror qildi. Ilon Mask 27-fevral kuni sudga qaytishi va ko'rsatma berishni davom ettirishi belgilangan.