Heroes of Might and Magic: Olden Era» o'yini taqdim etildi

Unfrozen studiyasi tomonidan ishlab chiqilgan "Heroes of Might and Magic: Olden Era" o'yini erta kirish formatida foydalanuvchilarga taqdim etildi. Bu haqda Zamin.uz xabar berdi.

Ixbt.com nashrining yozishicha, ushbu loyiha mazkur o'yinlar seriyasida 2015-yildan buyon ishlab chiqilgan ilk mahsulot sanaladi. Yangi qism o'zining vizual uslubi va tuzilishi bilan seriyaning mashhur uchinchi qismini yodga soladi.

Steam platformasi foydalanuvchilari o'yinning grafik dizayni hamda geympleyi borasida ijobiy fikrlar bildirishmoqda. Loyiha texnik talablar jihatidan zamonaviy kompyuterlar uchun ancha qulay qilib ishlangan.

O'yinni minimal sozlamalarda ishga tushirish uchun GeForce GTX 1650 video kartasi talab etiladi va u qurilma xotirasidan 8 GB joy egallaydi. Hozirda foydalanuvchilar oltita turli fraksiya, onlayn musobaqalar va syujet yo'nalishining dastlabki qismidan foydalanishlari mumkin.

Shuningdek, ayni vaqtda o'yinni 25 foizlik chegirma asosida sotib olish imkoniyati yaratilgan. Loyihaning umumiy ko'rinishi va mexanikasi ko'p yillik tanaffusdan so'ng strategiya janri ishqibozlari uchun kutilgan yangilik bo'ldi.