Costco do'konida kuchli o'yin kompyuteri 1 100 dollardan sotilmoqda

Costco do'konlarida RTX 5070 va Ryzen 7 9800X3D o'rnatilgan kompyuter 1 100 dollardan sotilmoqda

Reddit ijtimoiy tarmog'ining omahrr ismli foydalanuvchisi Costco savdo tarmog'idan o'ta hamyonbop narxda iBuypower o'yin kompyuterini xarid qildi. Bu haqda Zamin.uz xabar berdi.

Ixbt.com nashrining yozishicha, AMD Ryzen 7 9800X3D protsessori hamda NVIDIA GeForce RTX 5070 video kartasi bilan jihozlangan ushbu tizim blokining narxi atigi 1 100 dollarni tashkil etgan. Soliq to'lovlari hisobga olinganda, xaridor jami 1 175 dollar sarflagan.

Mazkur yig'ilma o'zining texnik ko'rsatkichlariga ko'ra bozordagi eng arzon takliflardan biri bo'lib turibdi. Tizim tarkibidan 32 GB DDR5 tezkor xotirasi, 2 TB sig'imli NVMe SSD drayveri hamda 360 mm hajmli suyuqlik yordamida sovutish tizimi o'rin olgan.

Shuningdek, Midi Tower korpusiga joylangan kompyuter bilan birga quvvat bloki, klaviatura va sichqoncha jamlanmasi ham taqdim etilgan. WCCFTech tahlilchilarining qayd etishicha, bunday yuqori quvvatli butlovchi qismlarga ega kompyuterning amaldagi bozor qiymati taxminan 2 000 dollar atrofida baholanadi.

Shunday qilib, xaridor ushbu tayyor tizim blokini tanlash orqali deyarli 900 dollar mablag'ni tejab qolishga muvaffaq bo'ldi.