AQSh Eron Oliy rahbari Xomeniyning tirik ekani haqidagi ma'lumotlarga tayanmoqda
AQSh ma'muriyati Eron Oliy rahbari Mojtaba Xomeniyning hayotda ekani to'g'risidagi taxminlar asosida faoliyat yuritmoqda. Bu haqda Zamin.uz xabar berdi. Bu haqda AQSh davlat kotibi Rubio Fox News telekanaliga bergan intervyusida bayonot berdi. Uning so'zlariga ko'ra, hozirgi vaqtda Xomeniyning vafot etganini tasdiqlovchi hech qanday dalillar mavjud emas, shu sababli rasmiy Vashington uning tirikligi haqidagi ma'lumotlarni asos qilib olmoqda.
Rubio mazkur mavzu bo'yicha berilgan savollarga javob qaytarar ekan, AQSh hukumati ayni paytda faqat mavjud ma'lumotlarga tayanib ish ko'rayotganini alohida qayd etdi. Avvalroq The Times nashri razvedka xizmatlaridagi manbalariga tayanib, Eron yetakchisining salomatligi yomonlashgani va u shifokorlar nazoratida davolanayotgani haqida xabar tarqatgan edi.
Mazkur nashr ma'lumotlariga ko'ra, Xomeniy ayni paytda davlat ahamiyatiga molik qarorlarni qabul qilish jarayonlarida faol ishtirok etmayotgan bo'lishi mumkin. Shunga qaramay, AQSh rasmiylari hozircha ushbu taxminlarni tasdiqlaydigan aniq asoslarga ega emasligini bildirgan.
