Eron AQSh bilan sulh muzokaralarini qayta boshlashdan bosh tortdi

Eron rasmiylari AQSh bilan mojaro to‘xtatish kelishuvini uzaytirish bo‘yicha qat'iy pozitsiyasini bildirdi. Bu haqda Zamin.uz xabar berdi.

Tasnim agentligi xabar berishicha, Tehron hukumati Donald Trampdan sulh muddatini uzaytirishni so‘ramagan. Aksincha, Eron tomoni AQShni "mojaroda ustunlikka erisha olmagan taraf" deb baholaydi.

Manbalarga ko‘ra, Eron Vashington harbiy yo‘l bilan maqsadiga erisha olmasligini tushunib yetgani uchun mojarodan chiqishga intilmoqda. Shu bilan birga, Eron rahbariyati sulh uzaytirilgan taqdirda ham xavflar saqlanib qolishini ta’kidlaydi.

Xususan, AQSh va Isroil tomonidan ehtimoliy terroristik harakatlar amalga oshirilishi mumkinligi istisno etilmayapti. Bundan tashqari, AQSh tomonidan Hormuz bo‘g‘ozida dengiz blokadasini davom ettirishi mojaroni yanada cho‘zishi mumkin.

Eron us tayyor ekanini bildiradi. Ma’lumotlarga ko‘ra, Eron 21 aprel kuni AQSh bilan muzokaralarning yangi bosqichi uchun Pokistonga borishdan bosh tortgan.

Bunga sabab sifatida Vashington tomonidan sulh shartlarining buzilgani va ortiqcha talablar qo‘yilgani ko‘rsatilgan. Eron parlamenti maslahatchisi Mahdiy Muhammad sulhni cho‘zishdan ma’no yo‘qligini, dengiz blokadasini davom ettirishning bombardimonga teng ekanligini va bunday harakatlarga harbiy javob berilishini ta’kidladi.

Tomonlar o‘rtasidagi qarama-qarshilik chuqurlashib, vaziyat yangi keskin bosqichga o‘tish arafasida.