Erling Xoland murabbiyning bahsli qarorini toʻliq qoʻllab-quvvatladi

Norvegiya milliy terma jamoasi hujumchisi Erling Xoland Frantsiya termasidan uchralgan yirik magʻlubiyatdan keyin jamoa bosh murabbiyi Stale Solbakkenning tarkibdagi asosiy futbolchilarga dam berish borasidagi qarorini toʻliq qoʻllab-quvvatladi. Bu haqda Zamin.uz xabar berdi.

Goal.com nashri tarqatgan maʼlumotlarga koʻra, futbolchi jamoada amalga oshirilgan keskin rotatsiya pley-off bosqichi oldidan oʻyinchilarning jismoniy va ruhiy holatini tiklash uchun muhim ahamiyat kasb etishini taʼkidlagan. Xolandning qayd etishicha, tigʻiz taqvim sharoitida tarkibdagi oʻzgarishlar futbolchilarning charchoq alomatlarini kamaytirib, hal qiluvchi bellashuvlarga yangi kuch bilan kirishish imkonini beradi.

Jahon chempionati guruh bosqichidagi muvaffaqiyatsizlikdan soʻng jamoa murabbiylar shtabi aynan shunday yondashuvni tanlagan. Mutaxassislar bu qarorni turnirning keyingi bosqichlarida yuqori natijalarga erishish va jarohatlarning oldini olishga qaratilgan strategik qadam sifatida baholamoqda.

Hujumchi oʻz navbatida, murabbiyning taktik rejalariga ishonch bildirib, navbatdagi oʻyinlarda jamoa yanada yaxshiroq oʻyin koʻrsatishiga umid qilayotganini izhor etdi.