Milanning "Inter" klubi markaziy himoyachisi Alessandro Bastoni yana "Barselona"ning diqqat markaziga tushdi. Bu haqda Euro-football.ru xabar berdi.
Kataloniya klubi rahbariyati kelasi mavsum uchun himoya chizig‘ini kuchaytirish maqsadida transfer bozorida faol izlanishlar olib bormoqda. "Transfer News Live" nashrining "TEAMtalk"ga tayanib xabar berishicha, "ko‘k-anorranglilar" italyan futbolchisini o‘z safiga qo‘shib olishga da’vogar jamoalar qatorida turibdi.
Ta’kidlash joizki, 27 yoshli himoyachiga nafaqat Ispaniya grandi, balki Angliya premer-ligasining bir qator yetakchi klublari ham qiziqish bildirmoqda. Eslatib o‘tamiz, joriy yilning bahorida "Barselona" Bastoni uchun asosiy da’vogar sifatida ko‘rilgan edi, biroq tomonlar o‘rtasidagi muzokaralar yakuniy natijaga olib kelmagan.
Ayni paytda "Transfermarkt" portali italiyalik futbolchining transfer qiymatini 65 million yevroga baholamoqda. "Inter" himoyachisi uchun bo‘lajak transfer oynasida jiddiy raqobat yuzaga kelishi kutilmoqda.
Hozircha tomonlar rasmiy muzokaralarni boshlagani haqida aniq ma’lumotlar mavjud emas, biroq "Barselona"ning himoyani mustahkamlash borasidagi rejalarida Bastoni ustuvor nomzodlardan biri bo‘lib qolmoqda.
Izohlar
0