Jahon arxeologiyasi va tarixshunosligida uzoq yillar davomida qizg‘in bahs-munozaralarga sabab bo‘lib kelayotgan hamda insoniyat tarixidagi eng katta sirlardan biri sanalgan No‘h payg‘ambarning kemasi borasida yangi ilmiy ma’lumotlar taqdim etildi. Bu haqda Zamin.uz xabar berdi.
Turkiya hududidagi Ararat tog‘i yaqinida joylashgan va mutaxassislar tomonidan Durupinar tuzilmasi deb ataladigan hududda amalga oshirilgan zamonaviy geofizik skanerlash tadqiqotlari kutilmagan natijalarni yuzaga chiqardi. Mazkur hududda olib borilgan chuqur o‘rganishlar davomida yer osti qatlamlarida to‘g‘ri burchakli va sun’iy kelib chiqishga xos bo‘lgan geometrik shakllar aniqlandi.
Ushbu topilmalar ilmiy hamjamiyatda katta qiziqish uyg‘otib, ko‘plab savollarni o‘rtaga tashlamoqda. Tadqiqotchilarning ta’kidlashicha, mazkur obyektning tarkibi va joylashuvi uzoq yillik taxminlarni qayta ko‘rib chiqishni taqozo etadi.
Hozirgi bosqichda mutaxassislar ushbu tuzilmaning tabiat hodisasi yoki inson qo‘li bilan yaratilgan inshoot ekanligini aniqlash maqsadida qo‘shimcha tahlil ishlarini davom ettirmoqdalar. Mazkur jarayon tarixiy haqiqatni yoritish yo‘lida muhim qadam bo‘lib, arxeologik qidiruvlar ko‘lamini yanada kengaytirish zarurligini ko‘rsatmoqda.
Izohlar
0