Aeroportda ro‘yxatdan o‘tish jarayonida bagaj og‘irligi belgilangan me’yordan oshib ketgan yo‘lovchi ayol vaziyatdan chiqib ketish uchun kutilmagan usulni tanladi. Bu haqda Zamin.uz xabar berdi.
U yuk hajmini kamaytirish maqsadida chamadondagi kiyimlarni qoldirib ketish yoki ularni boshqa joyga joylashtirish o‘rniga, kiyimlarning bir qismini o‘z ustiga kiyib olishga qaror qildi. Ushbu holat aks etgan videolavha ijtimoiy tarmoqlarda keng tarqaldi va ko‘plab muhokamalarga sabab bo‘ldi.
Kadrlarda ayolning bir necha qavat kiyimda harakatlanayotgani yaqqol ko‘rinib turibdi. Yo‘lovchi mazkur harakati orqali ortiqcha yuk uchun belgilangan qo‘shimcha to‘lovdan qutulib qolishni ko‘zlagan.
Aviakompaniyalar qoidalariga ko‘ra, bagaj vazni me’yordan oshganda yo‘lovchilar qo‘shimcha mablag‘ to‘lashlari talab etiladi. Biroq bu ayol moliyaviy xarajatlardan qochish uchun o‘ziga xos va biroz noodatiy yo‘lni tanladi.
Hozircha ushbu holat qaysi aeroportda sodir bo‘lgani va vaziyat yakuni qanday yakunlangani bo‘yicha aniq ma’lumotlar keltirilmagan. Shunga qaramay, mazkur voqea aviatsiya xavfsizligi va yo‘lovchilarni ro‘yxatdan o‘tkazish tartib-qoidalari bilan bog‘liq qiziqarli holat sifatida baholanmoqda.
Izohlar
0