Muhtaram forum qatnashchilari, sizlarni Xavfsizlik masalalari bo‘yicha SHHT plyus birinchi ekspertlar muloqotining ochilish marosimi bilan chin dildan tabriklayman. Bu haqda Zamin.uz xabar berdi.
Dastavval, O‘zbekiston tomonidan ilgari surilgan tashabbusni qo‘llab-quvvatlaganingiz hamda davlatlarimiz o‘rtasidagi o‘zaro hamkorlik aloqalarini yanada mustahkamlash yo‘lidagi sa’y-harakatlaringiz uchun o‘z minnatdorligimni izhor etaman. Bugungi nufuzli tadbirda Shanxay hamkorlik tashkilotiga a’zo bo‘lgan mamlakatlar, shuningdek, kuzatuvchi maqomidagi davlatlar va muloqot bo‘yicha hamkorlar vakillari jam bo‘lgani mintaqaviy xavfsizlikka bo‘lgan yuksak e’tiborni ifodalaydi.
Xavfsizlik sohasidagi dolzarb muammolar, tahdidlarga qarshi kurashish hamda barqarorlikni ta’minlash borasidagi fikr almashinuvlari mazkur muloqotning asosiy maqsadini tashkil etadi. Ishonchim komilki, mazkur ekspertlar uchrashuvi xalqaro hamkorlikni yangi bosqichga olib chiqishda hamda umumiy xavfsizlik arxitekturasini shakllantirishda muhim platforma vazifasini o‘taydi.
Tadbir davomida erishiladigan kelishuvlar va ishlab chiqiladigan tavsiyalar tashkilot doirasidagi hamkorlikni yanada samarali rivojlantirishga xizmat qiladi. Barchangizga mazkur muloqot ishida muvaffaqiyatlar tilayman.
Izohlar
0