Nukus shahrida tashkil etilgan press-tur doirasida Madaniyat vaziri Ozodbek Nazarbekovning yoshlar bilan bo‘lib o‘tgan muloqoti ijtimoiy tarmoqlarda keng muhokamalarga sabab bo‘ldi. Bu haqda Zamin.uz xabar berdi.
Tarqalgan videolavhalarda qoraqalpog‘istonlik maktab o‘quvchisining vazir bilan samimiy suhbati aks etgan. Mazkur bolakay san’at va madaniyat yo‘nalishida turli kontentlar yaratishga qiziqishi yuqoriligini ta’kidlab, kelgusida professional bloger bo‘lish niyatida ekanligini bildirgan.
O‘z ijodiy faoliyatini boshlash istagida bo‘lgan o‘quvchi vazirga murojaat qilib, sifatli video va materiallar tayyorlash uchun zarur bo‘lgan texnik vositalardan biri – smartfon taqdim etilishini so‘ragan. Mazkur holat ko‘plab foydalanuvchilarning e’tiborini tortib, yosh avlodning zamonaviy axborot texnologiyalari va ijodiy jarayonlarga bo‘lgan qiziqishi ortib borayotganini ko‘rsatdi.
Madaniyat vazirligi tomonidan o‘tkazilgan ushbu tadbir yoshlarning iqtidorini qo‘llab-quvvatlash va ular bilan bevosita muloqot o‘rnatishda muhim platforma vazifasini o‘tab berdi. Hozirda ushbu voqea yuzasidan jamoatchilik va foydalanuvchilar tomonidan turli xil ijobiy fikrlar bildirilmoqda.
Izohlar
0