Aktrisa Dilnoza Kubayeva Ko‘rganlarimiz haqida ko‘rsatuvida ishtirok etib, o‘zbek kino san’atidagi esda qolarli loyihalardan biri bo‘lgan Kelgindi kelin filmi bilan bog‘liq xotiralari bilan o‘rtoqlashdi. Bu haqda Zamin.uz xabar berdi.
Aktrisaning ta’kidlashicha, ushbu kartina uning ijodiy faoliyatida alohida o‘rin tutadi. Suhbat davomida u filmdagi suratga olish jarayonlari, xususan, hayotida ilk bor avtomobil boshqargani haqidagi qiziqarli voqeani yodga oldi.
Dilnoza Kubayevaning so‘zlariga ko‘ra, o‘sha paytda u rulga o‘tirishdan jiddiy xavotirga tushgan va ijodiy jamoaga o‘zining hayajonini yashirmay bildirgan. Aktrisa suratga olish guruhi vakillariga qarab, qanday qilib o‘zgalarning mashinasiga shunchalik xotirjam o‘tqazib qo‘yishganiga hayron qolganini va bu holatni kulgi bilan esladi.
O‘z navbatida, film ijodkorlari unga avtomat uzatmali avtomobilni boshqarish juda oson ekanligini tushuntirib, uni ishontirishga harakat qilishgan. Ushbu xotiralar orqali aktrisa o‘z faoliyatidagi murakkab, ammo qiziqarli damlarni muxlislar bilan bo‘lishdi.
Izohlar
0