Ijtimoiy tarmoqlarda tarqalgan navbatdagi oilaviy mojaro jamoatchilik o‘rtasida qizg‘in muhokamalarga sabab bo‘lmoqda. Bu haqda Zamin.uz xabar berdi.
Videomurojaat muallifi bo‘lgan yosh kelinning ta’kidlashicha, u qaynona tomonidan sovg‘a qilingan stol soati ichiga yashirin kamera o‘rnatilganini tasodifan aniqlagan. Ushbu holat er-xotinning shaxsiy hayoti uzoq vaqt davomida begona ko‘zlardan yashirin ravishda kuzatib borilganidan dalolat beradi.
Mazkur videolavha internet foydalanuvchilari, xususan, xotin-qizlar o‘rtasida keskin e’tiroz va norozilik kayfiyatini keltirib chiqardi. Ko‘pchilik kuzatuvchilar shaxsiy daxlsizlik huquqining buzilishi va oila a’zolari o‘rtasidagi ishonchsizlikning bunday ko‘rinishda namoyon bo‘lishini qoralashmoqda.
Hozirgi kunda mazkur voqea yuzasidan bildirilayotgan fikrlar xilma-xil bo‘lib, u nafaqat oilaviy munosabatlar, balki shaxsiy hayot daxlsizligini ta’minlash borasidagi qonuniy va axloqiy masalalarni ham kun tartibiga olib chiqdi. Jamoatchilik mazkur vaziyatga huquqiy baho berilishi lozimligini talab qilmoqda.
Izohlar
0