Buyraklar faoliyatiga salbiy ta’sir qiluvchi kundalik odatlar

Buyraklar inson organizmining hayotiy muhim a’zolaridan biri bo‘lib, ular qonni tozalash va organizmdagi muvozanatni saqlashda asosiy vazifani bajaradi. Bu haqda Zamin.uz xabar berdi.

Shu bilan birga, ko‘plab insonlar zararli emas deb hisoblaydigan kundalik odatlar ham ushbu a’zolar faoliyatiga jiddiy salbiy ta’sir ko‘rsatishi mumkin. Mutaxassislar ayniqsa oziqlanish tartibiga e’tibor qaratishni tavsiya etishadi.

Xususan, oqsilga boy mahsulotlarni me’yoridan ortiq iste’mol qilish masalasi alohida ahamiyat kasb etadi. Garchi oqsil organizmning hujayra va to‘qimalarini tiklash uchun zaruriy modda bo‘lsa-da, uning haddan tashqari ko‘p qabul qilinishi buyraklarga ortiqcha yuklama beradi.

Urolog Devid Shustermanning ta’kidlashicha, kuniga tana vaznining har bir kilogrammiga to‘g‘ri keladigan oqsil miqdorini nazorat qilish buyraklar salomatligini asrashda muhim o‘rin tutadi. Ratsiondagi bunday nomutanosiblik vaqt o‘tishi bilan buyrak funksiyalarining pasayishiga olib kelishi mumkin.

Shu sababli, sog‘lom turmush tarziga rioya qilishda nafaqat zararli odatlardan voz kechish, balki foydali deb hisoblangan oziq-ovqatlarni ham muvozanatli iste’mol qilish talab etiladi.