AMD yangi protsessori ilk bor benchmark sinovida ko'rindi

Ryzen AI Max+ Pro 495 protsessori PassMark testida ilk natijasini ko'rsatdi

AMD kompaniyasining Ryzen AI Max+ Pro 495 protsessori PassMark benchmark sinovida 57 525 ball to'pladi. Bu haqda Zamin.uz xabar berdi.

Mazkur ko'rsatkich avvalgi modellarga nisbatan unumdorlikning biroz oshganini anglatadi. Ixbt.com nashri bergan ma'lumotga ko'ra, Ryzen AI Max+ 395 modeli sinovlarda 55 163 ball, Max+ Pro 395 esa 51 778 ball qayd etgan edi.

Texnik jihatdan yangi liniya avvalgi avloddan katta farq qilmaydi. Unumdorlikdagi kichik o'sishga asosan ishchi chastotalarning biroz ko'tarilishi hisobiga erishilgan.

Qurilmaning eng muhim afzalliklaridan biri tezkor xotira hajmi bilan bog'liq. Max 300 liniyasida ushbu ko'rsatkich 128 GB bilan cheklangan bo'lsa, yangi protsessor 192 GB gacha bo'lgan tezkor xotirani qo'llab-quvvatlaydi.

Protsessor konfiguratsiyasidan Radeon 8065S grafik chipi o'rin olgan. Ushbu iGPU Radeon 8060S modelidan chastotasi 100 MGts ga yuqoriligi bilan ajralib turadi.

Yangi turdagi APU qurilmalari yaqin oylar ichida sotuvga chiqarilishi kutilmoqda.