Misrga oilaviy safar qilgan Germaniya fuqarosi ilon chaqishi sababli vafot etdi. Xorijiy OAVning xabariga ko'ra, fojia Hurgada shahrida aprel oyida sodir bo'lgan. Mazkur voqea bir mehmonxonada uyushtirilgan ilon ushlash namoyishi davrida yuzaga kelgan.
Namoyishda ikki dona kobra iloni ishtirok etgani aniqlangan. Ilonlar tomoshabinlarning yelkalariga va bo'ynlariga qo'yilgan paytda, biri 57 yoshli sayyohni oyog'idan chaqqan. Zaharli ilonning hujumi oqibatida erkakda zaharlanish alomatlari paydo bo'lgan, shifoxonaga yetkazilishidan oldin unga tibbiy yordam ko'rsatishga urinishlar qilingan.
Tibbiyot xodimlari barcha imkoniyatlarini ishga solganiga qaramay, sayyohni qutqarib qolishga muvaffaq bo'lmagan. Halok bo'lgan erkak Unterallgoy hududidan bo'lib, u ikki yaqin bilan birga dam olishga borgani ma'lum bo'ldi.
Germaniya politsiyasi va prokuraturasi ushbu holat bo'yicha tergov harakatlarini olib bormoqda, ilon zaharini aniqlash uchun toksikologik tahlillar o'tkazilmoqda. Misr rasmiylari esa bu voqeadan xabar topmaganliklarini bildirgan.
