Shimoliy Atlantika alyansi bosh kotibi Mark Ryutte Rossiya Prezidenti Vladimir Putin hamda AQSHning yangi saylangan prezidenti Donald Tramp o‘rtasidagi o‘zaro munosabatlarning xalqaro xavfsizlik tizimidagi o‘rniga alohida to‘xtalib o‘tdi. Bu haqda Zamin.uz xabar berdi.
Alyans rahbari mazkur ikki davlat yetakchisi o‘rtasidagi aloqalar global barqarorlikni ta’minlashda muhim ahamiyat kasb etishini ta’kidladi. Ilgari Rossiya Federatsiyasiga nisbatan nisbatan qat’iy va bosimni kuchaytirishga qaratilgan siyosiy ritorikasi bilan tanilgan Mark Ryuttening bu kabi bayonoti xalqaro siyosiy kuzatuvchilar diqqatini tortdi.
Ekspertlar mazkur mulohazalarni alyansning kelgusi strategiyasida yuz berishi mumkin bo‘lgan o‘zgarishlar sifatida baholamoqda. Shuningdek, ushbu yondashuv geosiyosiy vaziyatni yumshatish va diplomatik kanallarni qayta tiklash borasidagi urinishlarning bir qismi sifatida ko‘rilmoqda.
Ayni paytda xalqaro hamjamiyat mazkur bayonotning amaliy oqibatlari hamda NATOning Rossiya va Amerika Qo‘shma Shtatlari o‘rtasidagi muloqotga ta’siri qanday bo‘lishini kuzatib bormoqda. Ryuttening ushbu pozitsiyasi tashkilot ichidagi qarashlarning muvozanatlashuvi va xavfsizlik arxitekturasini qayta ko‘rib chiqish zarurati ortayotganidan dalolat beradi.
Izohlar
0