Finlyandiyada rekord darajadagi piyodalar koʻprigi ochildi

Finlyandiya poytaxti Xelsinkida mamlakatning eng uzun va eng baland piyodalar ko‘prigi – Kruunuvuorensilta ochildi. Bu haqda Zamin.uz xabar berdi.

Ushbu inshoot 1191 metr uzunlikda bo‘lib, Korkeasaari orolini Kruunuvuorenranta turar-joy hududi bilan bog‘laydi. Ko‘prik faqat piyodalar, velosipedchilar va jamoat transporti uchun mo‘ljallangan bo‘lib, shaharda barqaror harakatlanishni rag‘batlantirish maqsadida qurilgan.

Yangilik aholiga sezilarli qulaylik olib keldi: Kruunuvuorenrantadan shahar markazigacha bo‘lgan masofa 11 kilometrdan 5 kilometrgacha qisqardi. Shahar meri Daniel Sazonovning ta’kidlashicha, bu obyekt Xelsinkining yangi ramzi va diqqatga sazovor joyiga aylanadi.

Ochilish marosimida 50 mingga yaqin tomoshabin ishtirok etdi, bu yangi ko‘prikka bo‘lgan katta qiziqishni ko‘rsatdi. Mazkur loyiha zamonaviy shahar infratuzilmasi uchun innovatsion yondashuv namunasidir.