Bennett: Isroil ichki tizimida parchalanish xavfi yuzaga kelmoqda

Bennett: Isroil ichki tizimida parchalanish xavfi yuzaga kelmoqda

Isroil sobiq bosh vaziri Naftali Bennett mamlakatning ichki siyosiy va ijtimoiy tuzilmasida inqirozli holatlar chuqurlashib borayotganini ma'lum qildi. Bu haqda Zamin.uz xabar berdi.

Uning qayd etishicha, davlat barqarorligi zaiflashib, ayrim yo'nalishlarda tizimli parchalanish alomatlari ko'zga tashlanmoqda. Bennettning tahliliga ko'ra, Isroil ma'lum hududlar ustidan nazorat o'rnatsa-da, ularni uzoq muddat ushlab turish uchun zaruriy resurs va harbiy salohiyat yetishmayapti.

Bu holat esa egallangan hududlarni qayta tark etishga majbur qiluvchi barqaror tendensiyani yuzaga keltirmoqda. Sobiq hukumat rahbari jamiyatdagi ijtimoiy tengsizlik masalasiga ham alohida e'tibor qaratdi.

Bennettning so'zlariga ko'ra, 100 mingga yaqin harbiy xizmatga yaroqli va sog'lom ultra-ortodoksal aholining armiyadan ozod etilishi ijtimoiy adolatsizlikni keltirib chiqarmoqda. Ushbu qatlamga davlat budjetidan katta miqdorda moliyaviy ko'mak ajratilishi jamiyat ichidagi norozilik va keskinlikni yanada kuchaytirgan.

Bennett ichki tizimdagi muvozanat jiddiy buzilganini ta'kidlab, zarur islohotlar kechiksa, vaziyat yanada og'irlashishi mumkinligidan ogohlantirdi.