Turinning "Yuventus" klubi "Shtutgart" jamoasi yarim himoyachisi Anjelo Shtillerni o'z safiga qo'shib olishni rejalashtirmoqda. Bu haqda Euro-football.ru xabar berdi.
Bu haqda taniqli jurnalist Nikolo Skira xabar berdi. Ma'lum qilinishicha, "byankoneri" 25 yoshli futbolchini o'zining transfer maqsadlari ro'yxatiga kiritgan.
Turinliklar Germaniya terma jamoasi a'zosi uchun kurashda Angliya Premyer ligasi vakillari bilan raqobatlashishga tayyor. Ta'kidlash joizki, avvalroq Shtillerga Madridning "Real" klubi ham qiziqish bildirayotgani haqida xabarlar tarqalgan edi.
Hozirgi vaqtda "Transfermarkt" portali germaniyalik xavbekning bozor qiymatini 45 mln yevroga baholamoqda. Anjelo Shtiller joriy mavsumda "Shtutgart" tarkibida barcha turnirlar doirasida jami 47 ta uchrashuvda maydonga tushdi.
Mazkur bahslarda u raqiblar darvozasiga 2 ta gol urishga muvaffaq bo'ldi va 10 ta samarali uzatmani amalga oshirdi. Sportchi ayni damda nemis jamoasining asosiy yetakchilaridan biri hisoblanadi.
