Angliya terma jamoasi bosh murabbiyi Tomas Tuxel hujumchi Harri Keyn 2025-2026-yilgi mavsumdagi ajoyib natijalari evaziga "Oltin to‘p" sovriniga loyiq ekanini ta’kidladi. Bu haqda Euro-football.ru xabar berdi.
Mutaxassis futbolchining o‘yiniga yuqori baho berib, uning maydondagi harakatlarini alohida e’tirof etdi. "Uning ko‘rsatkichlari tahsinga loyiq: 70 dan ortiq gol, "Bavariya" bilan qo‘lga kiritilgan uchta sovrin, shuningdek, jahon chempionati va Chempionlar ligasidagi yarim final bosqichlari.
Keyn har tomonlama o‘sib bormoqda. U jismoniy jihatdan yanada kuchaydi.
Hozirda u pressingda faol ishtirok etmoqda, hujumlarni tashkil etish, ularni yakunlash va mudofaa chizig‘iga yordam berish kabi barcha komponentlarda jamoasiga katta foyda keltirmoqda. U haqiqatan ham har jabhada mukammal o‘yin namoyish etyapti", — deya Tuxelning so‘zlaridan iqtibos keltiradi ESPN.
Eslatib o‘tamiz, o‘tgan mavsumda Harri Keyn "Bavariya" va Angliya terma jamoasi safida jami 73 ta gol urishga muvaffaq bo‘ldi. U o‘z hisobiga Bundesliga chempionligi, Germaniya kubogi va mamlakat Superkubogini yozdirib qo‘ydi.
Shu bilan birga, futbolchi jahon chempionatida bronza medallarini qo‘lga kiritib, o‘z faoliyatidagi eng muvaffaqiyatli davrlardan birini o‘tkazdi. Shu bois, futbol ekspertlari va murabbiylar shtabi uni nufuzli individual sovrin uchun asosiy da’vogar sifatida ko‘rmoqda.
Izohlar
0