Fransiya chempionati 5-turidan o‘rin olgan "Lion" va "Renn" jamoalari o‘rtasidagi bahs kutilmaganda to‘xtatildi. Bu haqda Euro-football.ru xabar berdi.
Uchrashuvning birinchi bo‘limi yakunlanishiga o‘n daqiqa qolganida tribunadagi tartibsizliklar sababli o‘yinni davom ettirish imkonsiz bo‘lib qoldi. Hozircha o‘yin qachon qayta tiklanishi bo‘yicha rasmiy ma’lumot berilmadi.
O‘yin to‘xtatilgan vaqtda mezbonlar 2:0 hisobida oldinda borayotgan edi. "Lion" safida Ernest Nuama dubl qayd etib, jamoasining ustunligini ta’minlagandi.
Turnir jadvalidagi holatga ko‘ra, "Lion" to‘rt turdan so‘ng sakkiz ochko bilan beshinchi o‘rinda bormoqda, biroq yo‘qotilgan ochkolar bo‘yicha ular "Parij" bilan ikkinchi o‘rinni bo‘lishib turibdi. O‘z navbatida, "Renn" hisobida o‘n ochko mavjud va jamoa to‘rtinchi pog‘onani egallab turibdi.
Agar ular ushbu bahsda ikki va undan ortiq farq bilan g‘alaba qozonishsa, turnir jadvalida peshqadamlik qilish imkoniyatiga ega bo‘ladi. Shu kuni o‘tkazilgan boshqa uchrashuvlarda ham qiziqarli voqealar kuzatildi.
Xususan, "Anje" tanaffusga qadar "Trua" ustidan 1:0 hisobida g‘alaba qozonayotgan bo‘lsa, "Le-Man" ham "Loryan" bilan bahsda minimal ustunlikka ega. "Tuluza" hamda "Gavre" jamoalari o‘rtasidagi bellashuvda esa hozircha hisob ochilmadi.
Izohlar
0