"Real Madrid" jamoasining asosiy darvozaboni Tibo Kurtua jarohatidan forig' bo'lib, maydonga qaytishga yaqin turibdi. Bu haqda Euro-football.ru xabar berdi.
Mart oyi o'rtalaridan buyon jarohati sababli o'yinlarni o'tkazib yuborayotgan belgiyalik posbon tiklanish jarayonini davom ettirmoqda. COPE nashri bergan ma'lumotlarga ko'ra, darvozabonning "Barselona"ga qarshi kechadigan bahsgacha to'liq tayyor bo'lishi kutilmoqda.
"Real Madrid" 10-may, yakshanba kuni safarda "Barselona" mehmoni bo'ladi. Mazkur uchrashuv Ispaniya chempionligi taqdirini hal qilishi mumkin.
Garchi nazariy jihatdan kataloniyaliklar keyingi turdayoq raqiblari uchun yetib bo'lmas darajaga chiqib olish imkoniyatiga ega bo'lsalar-da, "el-klasiko" turnir jadvalidagi o'rinlar uchun hal qiluvchi ahamiyatga ega. Hozirgi vaqtda Madrid klubi darvozasini Andrey Lunin qo'riqlamoqda.
Ukrainalik posbon so'nggi uchrashuvlarda ishonchli harakatlari bilan ajralib turibdi. Xususan, "Betis" bilan qayd etilgan 1:1 hisobidagi durang natijadan so'ng Lunin o'yinning eng yaxshi futbolchisi deb topildi.
Shunga qaramay, tajribali Kurtuaning safga qaytishi jamoaning mavsum yakunidagi muhim bahslari oldidan darvoza chizig'ini yanada kuchaytirishi kutilmoqda.
