Dani Sebalos Real Madrid bilan shartnomani muddatidan avval bekor qildi

Ispaniyaning Real Madrid klubi yarim himoyachisi Dani Sebalos jamoa bilan xayrlashish arafasida turibdi. Bu haqda Zamin.uz xabar berdi.

Tomonlar oʻrtasidagi shartnomani oʻzaro kelishuv asosida muddatidan avval bekor qilish boʻyicha dastlabki qaror qabul qilindi. Ushbu kelishuv 29 yoshli futbolchiga erkin agent sifatida faoliyatini boshqa jamoada davom ettirish huquqini taqdim etadi.

Goal.com nashrining maʼlum qilishicha, ispaniyalik oʻyinchi klubdagi soʻnggi mavsumi uchun belgilangan maoshidan voz kechishga rozi boʻlgan. Mazkur qadam futbolchining Real Madrid tarkibidagi oʻyin amaliyoti kamayib ketgani bilan izohlanmoqda.

Dani Sebalos jamoa safida oʻzini koʻrsatishga intilgan boʻlsa-da, asosiy tarkibdan joy olish borasidagi raqobat uning rejalarini oʻzgartirishga majbur qildi. Klub rahbariyati ham futbolchining karyerasini boshqa manzilda davom ettirish istagini inobatga olib, shartnomani bekor qilish shartlariga rozi boʻldi.

Ayni damda tomonlar hujjatlarni rasmiylashtirish jarayonini yakunlamoqda. Yaqin kunlar ichida futbolchining madridliklar safiga rasman xayrlashuvi kutilmoqda.

Bu transfer bozori uchun kutilmagan, ammo tomonlar uchun maqbul yechim sifatida baholanmoqda.