"Brayton" klubi yarimhimoyachisi Jek Hinshelvud faoliyatini Londonning "Arsenal" jamoasida davom ettirishi mumkin. Bu haqda Euro-football.ru xabar berdi.
"The Sun" nashri tarqatgan xabarlarga ko‘ra, "kanonirlar" 21 yoshli iqtidorli futbolchini qo‘lga kiritish poygasida yetakchilik qilmoqda. Angliyalik futbolchi yangi mavsum oldidan London klubining asosiy transfer nishonlaridan biriga aylandi.
"Arsenal" bosh murabbiyi Mikel Arteta yosh o‘yinchining universal imkoniyatlaridan hayratda va uni o‘z jamoasi tarkibini kuchaytira oladigan muhim futbolchi deb hisoblamoqda. Murabbiyning fikricha, Hinshelvudning maydonda bir nechta pozitsiyada o‘ynay olishi jamoaviy o‘yin sifatini oshirishga xizmat qiladi.
Ta’kidlash joizki, Jek Hinshelvudga "Arsenal"dan tashqari, Angliya premer-ligasining boshqa gigantlari – "Manchester Siti" va "Manchester Yunayted" klublari ham qiziqish bildirmoqda. Futbol olamidagi nufuzli Transfermarkt portali 21 yoshli yarimhimoyachining bozor qiymatini 28 million yevroga baholamoqda.
Kelgusi transfer oynasi ochilishi bilan futbolchining kelajagi borasida aniqroq ma’lumotlar paydo bo‘lishi kutilmoqda. Hozircha tomonlar rasmiy muzokaralar jarayoni haqida biron bir bayonot bermadi.
Izohlar
0