Angliya amaldagi chempioni — Londonning "Arsenal" klubi yangi mavsumni ko'tarinki ruhda boshlab, Angliya Superkubogi doirasida "Manchester Siti"ni 3:0 hisobida mag'lub etgan edi. Bu haqda Euro-football.ru xabar berdi.
Mavsum boshlanishidan oldin ko'pchilik Mikel Arteta shogirdlarini Premer-ligada asosiy favorit deb hisoblagan, "shaharliklar"ni esa jiddiy o'zgarishlar kutayotganini taxmin qilgandi. Biroq dastlabki besh turdan keyin vaziyat kutilganidek ravshan emas.
"Brayton"dan uchralgan 0:3 hisobidagi yirik mag'lubiyatdan so'ng, "Arsenal" chempionlik poygasidagi asosiy da'vogar maqomini saqlab qola oladimi? "Emireyts" stadionidagi mag'lubiyat beshinchi turning eng katta shov-shuviga aylandi.
"Brayton" o'z o'yinini raqibga majburlay oldi va g'alabaga to'la haqli edi. Fabian Hyurtseler boshchiligidagi jamoa jismoniy jihatdan juda quvvatli ekanligini ko'rsatdi.
Yuqori pressing "Arsenal" himoyasini, xususan, darvozabon David Rayani xatolarga yo'l qo'yishga majbur qildi. "Kanonirlar" raqib taklif etgan tezlikka moslasha olmadi va charchoq alomatlari yaqqol ko'zga tashlandi.
Agar bu jismoniy holat bilan bog'liq muammo bo'lsa, unda savollar bosh murabbiy Artetaga qaratiladi. Biroq, 2026-yilgi jahon chempionatidan so'ng aksariyat top-klublar futbolchilari tiklanish uchun yetarli vaqtga ega bo'lmagani ham inobatga olinishi kerak.
"Arsenal" uchun yana bir og'riqli nuqta – bu jarohatlar. Markaziy himoyachi Vilyam Salibaning yo'qligi va Kay Haverts hamda Martin Edegorning xalqaro tanaffus vaqtida jarohat olishi tarkibdagi muvozanatni buzmoqda.
Shunga qaramay, "Arsenal"da hali ham chempionlik uchun imkoniyatlar yetarli. "Manchester Siti" mavsumni kuchli boshlagan bo'lsa-da, Enso Mareska jamoani qayta qurish jarayonida va ularni hali qiyin sinovlar kutib turibdi.
Hozirgi vaziyatda Arteta shogirdlariga vahimaga tushmaslik va asosiy yetakchilar safga qaytishini kutish talab etiladi. "Arsenal" va "Manchester Siti" o'rtasidagi farq atigi uch ochkoni tashkil etadi, demak, chempionlik poygasi endi boshlanmoqda.
Izohlar
0