O‘zbekiston xalq artisti Yulduz Usmonova bergan intervyularidan birida oilaviy munosabatlar, xususan, moliyaviy mas’uliyat va ota-onalarning farzandlarga bo‘lgan munosabati borasida o‘z qarashlarini bayon qildi. Bu haqda Zamin.uz xabar berdi.
Xonandaning ta’kidlashicha, har qanday oilada ro‘zg‘or tebratishda asosiy yukni zimmasiga oladigan shaxs mavjud bo‘ladi. U bu vazifani bajaruvchi inson jinsidan qat’i nazar, xoh erkak, xoh ayol bo‘lishi mumkinligini alohida qayd etdi.
Shu bilan birga, san’atkor ota-onalarning farzandlar o‘rtasidagi farqga munosabati masalasiga ham to‘xtaldi. Uning fikricha, farzandlardan biri ko‘proq daromad topishi yoki moddiy jihatdan muvaffaqiyatliroq bo‘lishi ota-ona tomonidan boshqa farzandlarga nisbatan adolatsizlik qilinishiga asos bo‘la olmaydi.
Rizq tushunchasiga urg‘u bergan Usmonova, ota-ona barcha farzandlariga birdek mehr va e’tibor ko‘rsatishi shartligini, moddiy holat esa oilaviy rishtalar va tarbiya jarayonida ustunlik kasb etmasligi kerakligini bildirdi. Mazkur yondashuv oiladagi sog‘lom muhitni saqlab qolishning asosiy omillaridan biri ekanligi qayd etildi.
Izohlar
0