Bugun, 2 noyabr sanasida hind kino sanoatining yorqin yulduzi, dunyo bo‘ylab millionlab muxlislar e’tirofiga sazovor bo‘lgan aktyor Shohruxxon o‘zining 61 yoshini nishonlamoqda. Bu haqda Zamin.uz xabar berdi.
Bollivud olamida alohida o‘ringa ega bo‘lgan san’atkor o‘zining serqirra ijodi, xususan, romantik janrdagi betakror obrazlari bilan tomoshabinlar qalbidan chuqur joy egallagan. Shohruxxon 1965 yilning 2 noyabrida Hindistonning Nyu-Deli shahrida dunyoga kelgan.
U o‘zining ijodiy yo‘lini televideniye sohasidagi faoliyati orqali boshlab, keyinchalik katta kinoda muvaffaqiyatga erishdi. O‘nlab yillar davomida namoyish etilgan filmlari orqali u nafaqat Hindistonda, balki xalqaro miqyosda ham mashhurlikka erishdi.
Aktyorning kino san’atiga qo‘shgan hissasi va ijro mahorati uni zamonamizning eng nufuzli kino yulduzlaridan biriga aylantirdi. Bugungi kunda ham u o‘zining professional yondashuvi va ijodiy izlanishlari bilan muxlislarini xursand qilishda davom etmoqda.
Shohruxxon nafaqat aktyor, balki ko‘plab yosh iste’dodlar uchun ilhom manbai hisoblanadi.
Izohlar
0