Ijtimoiy tarmoqlarda Qashqadaryo viloyatida bo‘lib o‘tgan o‘ziga xos to‘y marosimi aks etgan lavhalar keng muhokamalarga sabab bo‘lmoqda. Bu haqda Zamin.uz xabar berdi.
Tarqalgan ma’lumotlarga ko‘ra, joriy yilning 3 sentyabr kuni Qamashi tumanida istiqomat qiluvchi Venera ismli qiz hamda Pokiston fuqarosi Hamza ismli yigit o‘zaro nikoh rishtalarini bog‘lashgan. Mazkur to‘y tantanasi Qashqadaryo viloyatidagi to‘yxonalardan birida tashkil etilib, unda o‘zbek xalqining milliy an’analari va urf-odatlari to‘liq rioya qilingan holda ijro etilgan.
Videolavhalarda yoshlarning nikoh to‘yi jarayonlari, milliy liboslardagi kelin va kuyov, shuningdek, marosimning o‘ziga xos jihatlari aks ettirilgan. Hozirda ushbu voqea ijtimoiy tarmoq foydalanuvchilari orasida qiziqish uyg‘otmoqda.
Turli madaniyat vakillarining o‘zbekona uslubda oila qurishi jamiyatda o‘zaro madaniy integratsiya va an’analarga bo‘lgan hurmat sifatida baholanmoqda. Rasmiy manbalar tomonidan mazkur holat yuzasidan qo‘shimcha tafsilotlar hozircha taqdim etilmagan bo‘lsa-da, tarmoqlarda tarqalgan videolar voqeaning haqiqatdan ham Qamashi tumanida bo‘lib o‘tganini tasdiqlaydi.
Izohlar
0