Trampning reytingi rekord darajada pasayib 37 foizga tushdi

Trampning reytingi 37 foizgacha tushib ketdi

AQSh prezidenti Donald Trampning jamoatchilik orasidagi nufuzi sezilarli darajada pasaydi. Bu haqda Zamin.uz xabar berdi.

The Washington Post, ABC News va Ipsos tomonidan hamkorlikda o'tkazilgan so'rovnoma natijalariga ko'ra, davlat rahbarining umumiy reytingi 37 foizni tashkil etmoqda. Bu ko'rsatkich prezidentlik davridagi eng past natijalardan biri sifatida qayd etildi.

Tadqiqot 24–28 aprel 2026 yil kunlari 2 560 nafar AQSh fuqarosi o'rtasida o'tkazilgan bo'lib, undagi xatolik darajasi 2 foiz atrofida baholanmoqda. So'rovda qatnashganlarning 62 foizi Tramp olib borayotgan siyosatni yoqlamasligini bildirgan.

Xususan, tashqi siyosat va Eronga nisbatan tutilgan pozitsiya amerikaliklarning 66 foizida norozilik uyg'otgan, faqat 33 foiz respondent bu yo'nalishni ma'qullagan. Iqtisodiy islohotlar borasida ham salbiy tendensiya kuzatilmoqda.

Ishtirokchilarning faqat 34 foizi iqtisodiy kursni qo'llab-quvvatlagan. Ekspertlar mazkur holatni mamlakatda yoqilg'i narxlarining ko'tarilishi bilan bog'lamoqda.

Respublikachilar partiyasi tarafdorlari orasida prezidentga ishonch hamon yuqori (85 foiz) bo'lsa-da, mustaqil saylovchilar orasida bu raqam 56 foizgacha pasaygan. Tahlilchilarning ta'kidlashicha, Tramp reytingining pasayishi respublikachilarning AQSh Vakillar palatasi va AQSh Senatidagi mavqeiga salbiy ta'sir ko'rsatishi mumkin.

3 noyabr 2026 yil kuni bo'lib o'tadigan oraliq saylovlarda Vakillar palatasidagi barcha 435 o'rin va Senatdagi 33 o'rin uchun kurash kechadi. Hozirgi kunda demokratlar saylovchilarning xayrixohligi borasida 5 foizlik ustunlikka ega bo'lib turibdi.