AQSHning Chikago shahrida har yili an’anaviy tarzda tashkil etiladigan o‘rdakchalar poygasi bu yil ham katta qiziqish bilan kutib olindi va minglab tomoshabinlarni o‘z atrofiga jamladi. Bu haqda Zamin.uz xabar berdi.
Mazkur o‘ziga xos tadbir doirasida 91 mingdan ortiq sariq rangli rezina o‘rdakcha Chikago daryosiga tushirildi. Daryo oqimi bo‘ylab harakatlangan o‘yinchoqlar belgilangan marra sari o‘ziga xos musobaqani boshlab berdi.
Ushbu jarayon shahar aholisi va sayyohlar uchun qiziqarli tomoshaga aylandi. Mazkur poyga faqatgina ko‘ngilochar xususiyatga ega emas, balki muhim xayriya maqsadlarini ham ko‘zlaydi.
Tashkilotchilar tadbir davomida yig‘ilgan mablag‘larni ijtimoiy ehtiyojlar va ezgu tashabbuslarni qo‘llab-quvvatlashga yo‘naltirishni rejalashtirgan. Har yili o‘tkazib kelinayotgan ushbu aksiya ham shaharning madaniy hayotida, ham xayriya faoliyatida muhim o‘rin tutadi.
O‘ziga xosligi bilan ajralib turadigan mazkur musobaqa bu safar ham ko‘plab insonlarning e’tiborini tortib, jamoatchilikni birlashtirishga xizmat qildi.
Izohlar
0