AirPods to'g'ri taqish bo'yicha foydalanuvchilarda keng tarqalgan xatolik aniqlandi

Ko'plab AirPods egalari ushbu qurilmani noto'g'ri usulda taqishadi, bu esa ovoz sifatini va umumiy qulaylikni pasaytirishi mumkin. Xorijiy OAV xabar berishicha, naushnikning quloqqa mahkam o'rnashishi akustik zichlikni ta'minlaydi, bu esa tashqi shovqinni kamaytirishga va tovushni aniqroq etkazishga yordam beradi. Mutaxassislar naushnik oyog'ini qat'iy pastga qaratish o'rniga, og'iz burchagi tomon yo'naltirishni maslahat berishadi.

Ushbu tavsiya naushnikni quloqda yanada barqaror ushlab turish imkonini beradi va mikrofonlarni ovoz manbaiga yaqinlashtirib, qo'ng'iroqlar sifatini yaxshilaydi. AirPods Pro modellari uchun turli o'lchamdagi (XXS dan L gacha) almashtiriladigan yostiqchalar mavjud. To'g'ri o'lchamni aniqlash uchun, foydalanuvchilarga ushbu qurilmani, ayniqsa faol harakatlar paytida 10-15 daqiqa davomida sinab ko'rish tavsiya etiladi.

iPhone yoki iPad’da mavjud bo’lgan maxsus test orqali naushnikning quloqqa mahkamligini tekshirish mumkin. Agar test natijasi “Good Seal” ko’rsatsa, demak naushnik to’g’ri taqilgan. Biroq, iFixit kompaniyasi ekspertlari AirPods Pro 3 modelini ta’mirlash qiyinligini juda yuqori deb baholadi.

Ular, ushbu naushnikning ta’mirlanish imkoniyatini 10 ballik shkalada 0 ballga teng deb baholadilar, ya’ni har qanday kichik nosozlikda uni butunlay yangisiga almashtirishga to'g'ri keladi.