PSJ va Gruziya terma jamoasi hujumkor yarim himoyachisi Xvicha Kvarasxeliya "Oltin to'p" uchun kechayotgan kurash borasidagi fikrlari bilan o'rtoqlashdi. Bu haqda Euro-football.ru xabar berdi.
Gruziyalik futbolchi dunyoning eng yaxshi 30 nafar o'yinchisi qatoridan joy olib, nufuzli sovrin uchun da'vogarlar ro'yxatiga kiritildi. "Oltin to'p" sohibini aniqlash jarayoni menga bog'liq emas, bu qarorni qabul qiluvchi mutaxassislarning vakolatiga kiradi.
Biroq, da'vogarlar orasida ekanligimdan juda baxtiyorman. Bu shuni anglatadiki, qilgan mehnatim o'z samarasini berdi va dunyoning buyuk futbolchilari bilan bir qatorda turish imkoniyatiga ega bo'ldim.
Men bundan juda faxrlanaman. Hayotda ham, futbolda ham har qanday natijaga erishish mumkinligiga ishonaman.
Aynan shu sababli hozir PSJ safidaman. Kelajakda ham o'z imkoniyatlarimdan maksimal darajada foydalanishga va bor kuchim bilan harakat qilishga intilaman", — deya Kvarasxeliyaning so'zlarini keltirib o'tadi The Touchline nashri.
Ma'lumot uchun, "Oltin to'p" sovrinini topshirish marosimi joriy yilning 26-oktyabr kuni London shahrida bo'lib o'tishi rejalashtirilgan. Kvarasxeliyaning ushbu ro'yxatdan o'rin olishi Gruziya futboli tarixidagi muhim voqealardan biri sifatida qayd etilmoqda.
Izohlar
0