Yevropa futboli olamida navbatdagi katta o‘zgarish yuz berishi kutilmoqda. Bu haqda Zamin.uz xabar berdi.
Manchester Siti klubi sharafini himoya qilayotgan ispaniyalik iqtidorli yarimhimoyachi Rodri faoliyatini Barselona tarkibida davom ettirishga yaqin turibdi. Nufuzli Marca nashri jurnalisti Matteo Moretto tarqatgan ma’lumotlarga ko‘ra, futbolchi kataloniyaliklar bilan shaxsiy shartnoma shartlari bo‘yicha to‘liq kelishuvga erishgan.
Ushbu transfer muzokaralarining tezlashishiga Real Madrid klubining sustkashligi sabab bo‘lgani aytilmoqda. Madridliklar tomoni transfer masalasida aniq qadam tashlashni paysalga solgan bir pallada, Barselona rahbariyati vaziyatdan unumli foydalanib, 30 yoshli futbolchi bilan kelishuvga erishishga muvaffaq bo‘ldi.
Rodri o‘z faoliyatini Ispaniya chempionatida davom ettirish istagi hamda klubning taklif etayotgan loyihasi sababli ushbu qarorni qabul qilgan ko‘rinadi. Hozirgi vaqtda tomonlar transferning yakuniy tafsilotlarini kelishib olishi qolgan xolos.
Ushbu o‘tish amalga oshsa, u Yevropa futbolidagi eng muhim va shov-shuvli voqealardan biri sifatida qayd etiladi.
Izohlar
0