Ispaniya La Ligasida o'tkazilgan navbatdagi o'yinda "Real Betis" va "Real Madrid" jamoalari o'zaro bahs olib borishdi. Qiziqarli va murosasiz kechgan bu uchrashuv 1:1 hisobida yakunlandi. "Real Madrid" jamoasi Vinisius Juniorning 17-daqiqadagi goli evaziga hisobni oldinga olib chiqdi.
O'yinning so'nggi daqiqalarida, 90+4-daqiqada "Betis" futbolchisi Ektor Belerin gol urib, hisobni tenglashtirdi va jamoasiga bir ochko yutib olish imkoniyatini berdi. Bahs davomida ikki jamoa ham g'alabani qo'lga kiritish uchun harakat qildi, o'yin juda murosasiz va qizg'in o'tdi.
Statistik ma'lumotlarga qaraganda, "Betis" jamoasi to'pni nazorat qilishda 53 foiz ko'rsatkichga erishdi. "Betis" raqib darvozasiga 17 ta zarba bergan bo'lsa, ulardan 5 tasi aniq bo'ldi. "Real Madrid" esa 14 ta zarba berdi, shundan 8 tasi maqsadga yetdi.
Ushbu durang natijasida "Real Madrid" 74 ochko bilan turnir jadvalida 2-o'rinni egallab turibdi. "Betis" esa 50 ochko bilan 5-pog'onada joylashgan.
