"Bavariya" klubi vingeri Maykl Olise Chempionlar ligasi doirasida Madridning "Atletiko" jamoasiga qarshi bo‘lib o‘tadigan muhim bahs oldidan jamoaviy mashg‘ulotlarda ishtirok etmoqda. Bu haqda Euro-football.ru xabar berdi.
Bu haqda Bayern & Germany nashri xabar berdi. Ma’lum bo‘lishicha, Olise Bundesliganing so‘nggi turida dortmundning "Borussiya" jamoasiga qarshi kechgan va 2:2 hisobida yakunlangan o‘yinda jarohat olganiga qaramay, umumiy guruh bilan shug‘ullanishga muvaffaq bo‘lgan.
Biroq futbolchining o‘ng tizzasi bog‘langan holatda mashg‘ulot o‘tayotgani uning hali to‘liq sog‘aymaganidan dalolat beradi. Murabbiylar shtabi futbolchining holatini yaqindan kuzatib bormoqda va uning maydonga tushish imkoniyatlarini o‘rganmoqda.
Joriy mavsumda Maykl Olise barcha turnirlar doirasida 13 ta uchrashuvda maydonga tushib, raqiblar darvozasiga 12 ta gol urishga erishdi. Shuningdek, u sheriklariga 7 ta golli pas uzatib, jamoaning hujum chizig‘idagi asosiy ijodkorlardan biriga aylandi.
Eslatib o‘tamiz, Chempionlar ligasining to‘rtinchi turidan o‘rin olgan "Atletiko" va "Bavariya" klublari o‘rtasidagi qarama-qarshilik 3 noyabr kuni bo‘lib o‘tadi. Uchrashuv Toshkent vaqti bilan soat 01:00 da start oladi.
Myunxenliklar ushbu bahsda g‘alaba qozonib, turnir jadvalidagi o‘rnini yanada mustahkamlashni maqsad qilgan.
Izohlar
0