Angliya Premer-ligasi turnir jadvalida yetakchi o‘rinlarda borayotgan Liverpul klubi himoya chizig‘idagi kamchiliklarni to‘ldirish va tarkibni sifat jihatidan yaxshilash maqsadida transfer bozorida faol harakatlarni amalga oshirdi. Bu haqda Zamin.uz xabar berdi.
Goal.com nashrining ma’lum qilishicha, Mersisayd klubi kataloniyaliklar safida to‘p surayotgan 27 yoshli urugvaylik markaziy himoyachi Ronald Arauxoni o‘z safiga qo‘shib oldi. Tomonlar kelishuviga ko‘ra, futbolchi joriy mavsum yakuniga qadar ijara asosida Angliya jamoasi sharafini himoya qiladi.
Ushbu transfer Liverpul bosh murabbiyi uchun mudofaa chizig‘idagi muammolarni bartaraf etishda muhim qadam sifatida baholanmoqda. Jamoa rahbariyati Ronald Arauxoning tajribasi va mahorati mavsumning hal qiluvchi bosqichida klubga katta yordam berishiga ishonch bildirmoqda.
Futbolchining Mersisaydga ko‘chib o‘tishi himoya markazidagi raqobatni oshirishi va o‘yin tizimini yanada barqarorlashtirishi kutilmoqda. Hozirda tomonlar shartnoma shartlarini to‘liq tasdiqlab bo‘lishdi va futbolchi jamoaning umumiy mashg‘ulotlariga qo‘shilishga tayyorlanmoqda.
Ushbu o‘zgarish Liverpulning chempionlik poygasidagi imkoniyatlarini yanada mustahkamlashi mumkin.
Izohlar
0