O‘zbekiston tennisi vakili Layma Vladson Germaniyada o‘tayotgan nufuzli xalqaro turnirda muvaffaqiyatli ishtirok etmoqda. Bu haqda Zamin.uz xabar berdi.
Mamlakatning to‘rtinchi raketkasi saralash bosqichidan muvaffaqiyatli o‘tib, musobaqaning asosiy to‘riga yo‘llanmani qo‘lga kiritgan edi. Turnir doirasida o‘tkazilgan navbatdagi bahsda Vladson o‘zidan ancha yuqori reytingga ega bo‘lgan raqibasiga qarshi kortga chiqdi.
O‘zbekistonlik sportchi raqibining tajribasiga qaramasdan, yuqori darajada o‘yin namoyish etdi va atigi 69 daqiqa davom etgan qarama-qarshilikda musobaqaning beshinchi raqamli tennischisini mag‘lubiyatga uchratdi. Mazkur g‘alaba sportchining texnik va taktik tayyorgarligi yuqori ekanligini yana bir bor tasdiqladi.
Endilikda Layma Vladsonni turnirning chorak final bosqichiga chiqish uchun kechadigan navbatdagi jiddiy sinov kutmoqda. Mazkur bosqichda hamyurtimiz reyting jadvalida o‘zidan ancha yuqorida joylashgan Yelena Maliginaga qarshi bahs olib boradi.
Ushbu uchrashuv tennischimiz uchun musobaqaning keyingi bosqichlariga yo‘l ochishi mumkin bo‘lgan muhim palla hisoblanadi.
Izohlar
0