Fransiyaning "Lans" futbol klubi bosh murabbiyi Dino Toppmeller iste’foga chiqarilishi kutilmoqda. Bu haqda Euro-football.ru xabar berdi.
Bu haqda "SO FOOT" nashri xabar berdi. Germaniyalik mutaxassis jamoa boshqaruvida atigi 28 kun ishladi.
Ushbu qisqa vaqt ichida "Lans" jami 6 ta rasmiy uchrashuvda maydonga tushdi. Shu tariqa, Toppmeller Ikkinchi jahon urushidan keyingi davrda klub tarixidagi eng qisqa muddat ishlagan bosh murabbiyga aylanishi mumkin.
Bungacha bo‘lgan antirekord Gi Ryuga tegishli edi: u 2007-yilda jamoani 7 ta o‘yinda boshqargan. Murabbiyning ishdan bo‘shatilishi ko‘pchilik uchun kutilmagan holat bo‘ldi, chunki "Lans" so‘nggi yillarda barqarorlikka intilayotgan klub sifatida tanilgandi.
Qolaversa, mavsum boshida mutaxassis tarkibdagi ko‘plab jarohatlar tufayli qiyin sharoitda ishlashiga to‘g‘ri kelgan edi. Manbalarga ko‘ra, iste’foga asosiy sabab sifatida Toppmellerning yordamchisi Nelson Morgado bilan bog‘liq kelishmovchilik ko‘rilmoqda.
Klub rahbariyati jamoa bilan muloqotdagi muammolar sababli yordamchini murabbiylar shtabidan chetlatmoqchi bo‘lgan. Biroq bosh murabbiy o‘z yordamchisini himoya qilib, rahbariyat talabiga qarshi chiqqan.
Hozirgi vaqtda "Lans" bosh murabbiyi vazifasini vaqtincha bajaruvchi sifatida klubning sobiq murabbiylar shtabi a’zosi Jan-Lui Leka tayinlanishi kutilmoqda. Klub rahbariyati yaqin kunlarda ushbu o‘zgarishlar yuzasidan rasmiy bayonot berishi kutilmoqda.
Izohlar
0