Mavsum boshida ketma-ket 11 ta g‘alabaga erishgan "Barselona" jamoasi so‘nggi o‘yinlarda kutilmagan ketma-ket mag‘lubiyatlarni qabul qilib oldi. Bu haqda Euro-football.ru xabar berdi.
O‘tgan seshanba kuni Chempionlar ligasi doirasidagi safar uchrashuvida kataloniyaliklar PSJga 2:4 hisobida taslim bo‘lishdi. Shundan so‘ng, yakshanba kuni o‘z maydonida kechgan "El-Klasiko" bahsida Madridning "Real" klubiga 1:2 hisobida imkoniyat boy berildi.
"Sport" nashrining xabar berishicha, yuzaga kelgan qiyinchiliklar va jamoaning yuqori saviyadagi raqiblarga qarshi o‘yinlardagi zaif tomonlari muhokama qilinayotganiga qaramay, klub direktorlar kengashi bosh murabbiy Xans-Diter Flik hamda asosiy tarkib futbolchilariga to‘liq ishonch bildirmoqda. Rahbariyat murabbiylar shtabi va o‘yinchilar qisqa muddat ichida o‘z o‘yinlarini tiklab olishiga ishonchi komil.
Shunga qaramay, "Barselona" Ispaniya chempionati turnir jadvalida yetakchilik qilishda davom etmoqda. Ayni damda kataloniyaliklar ikkinchi o‘rinda borayotgan "Atletiko"dan ikki ochko, uchinchi o‘rindagi "Real"dan esa uch ochko oldinda bormoqda.
Jamoa oldida chempionatdagi peshqadamlikni saqlab qolish va keyingi o‘yinlarda muvaffaqiyatsiz seriyaga chek qo‘yish vazifasi turibdi.
Izohlar
0