Surxondaryo viloyatida huquqni muhofaza qiluvchi idoralar tomonidan amalga oshirilgan maxsus operatsiya natijasida qalbaki haydovchilik guvohnomalarini tayyorlash va ularni noqonuniy ravishda muomalaga kiritish bilan shug‘ullangan yirik jinoiy guruh faoliyatiga chek qo‘yildi. Bu haqda Zamin.uz xabar berdi.
Tergov jarayonida aniqlanishicha, mazkur shaxslar tomonidan tayyorlangan va tarqatilgan jami 277 ta soxta hujjat aniqlangan. Ushbu holat yuzasidan tegishli choralar ko‘rilib, qalbaki guvohnomalarning barchasi to‘liq bekor qilindi va belgilangan tartibda muomaladan chiqarilib, yo‘q qilindi.
Hozirda huquq-tartibot organlari tomonidan ushbu noqonuniy tarmoqning boshqa ishtirokchilarini aniqlash hamda ularning qilmishlariga huquqiy baho berish maqsadida surishtiruv ishlari davom ettirilmoqda. Mazkur qonunbuzarlik holati bo‘yicha qo‘zg‘atilgan jinoyat ishi doirasida aybdor shaxslarning qilmishlari qonun hujjatlariga muvofiq ko‘rib chiqiladi.
Mutaxassislar haydovchilik guvohnomalarini olishda faqat davlat tomonidan belgilangan rasmiy tartib-qoidalarga amal qilish zarurligini, soxta hujjatlardan foydalanish jiddiy javobgarlikka sabab bo‘lishini yana bir bor eslatib o‘tishmoqda.
Izohlar
0