O‘zbekiston Respublikasi Prezidenti Shavkat Mirziyoyev Qoraqalpog‘iston Respublikasiga tashrifi doirasida Kegeyli tumanida barpo etilgan ADM Agro korxonasiga qarashli intensiv bog‘ faoliyati bilan tanishdi. Bu haqda Zamin.uz xabar berdi.
Zamonaviy texnologiyalar asosida tashkil etilgan ushbu sanoatlashgan bog‘ hudud qishloq xo‘jaligi salohiyatini yuksaltirishga xizmat qiladi. Mazkur loyiha mamlakat iqtisodiyotida ko‘p tarmoqli xolding tizimini rivojlantirish borasidagi amaliy qadamlardan biri sifatida baholanmoqda.
Mutaxassislar ushbu tashabbusning hudud infratuzilmasi va eksport salohiyatiga ta’sirini yuqori baholashmoqda. Jahon tajribasida keng qo‘llaniladigan yirik avtomobilsozlik va qishloq xo‘jaligi tarmoqlarini integratsiya qilish modeli O‘zbekiston sharoitida ham samarali natijalar berishi kutilmoqda.
Prezident bog‘dagi agrotexnik jarayonlar hamda hosildorlikni oshirishga qaratilgan innovatsion yechimlar bilan yaqindan tanishdi. Mazkur loyiha nafaqat hudud aholisini ish bilan ta’minlash, balki zamonaviy boshqaruv usullarini joriy etish orqali tarmoq samaradorligini ta’minlashda muhim ahamiyat kasb etadi.
Davlat rahbari tomonidan qishloq xo‘jaligini sanoatlashgan tizimga o‘tkazish bo‘yicha tegishli topshiriqlar berildi.
Izohlar
0