Bollivud kino sanoatining yorqin yulduzi, iste’dodli aktrisa, xonanda va raqqosa Karina Kapur o‘zining qirq oltinchi bahorini qarshi oldi. Bu haqda Zamin.uz xabar berdi.
Mashhur rejissyor va aktyor Raj Kapurning nabirasi hamda nufuzli Kapurlar sulolasining to‘rtinchi avlod vakili bo‘lgan Karina nafaqat san’at olamidagi sermahsul faoliyati, balki oilaviy an’analarga qarshi o‘laroq o‘rnatilgan qat’iy taqiqlarni bartaraf etgani bilan ham e’tibor qozongan. Karina Kapur 1980 yil 21 sentyabrda Mumbay shahrida dunyoga kelgan.
Kapurlar xonadonining o‘tmish tarixiga nazar tashlaydigan bo‘lsak, avvalgi avlodlarda aktyorlik kasbi faqatgina erkaklar uchun xos bo‘lib kelganini ko‘rish mumkin. Biroq Karina ushbu eski qarashlarni o‘zgartirib, oilaviy an’analarga yangicha yondashuvni olib kirdi va kino olamida o‘z o‘rnini munosib egalladi.
Bugungi kunda u nafaqat hind kinosi, balki xalqaro miqyosda ham o‘ziga xos uslubi va professional mahorati bilan tanilgan san’atkor hisoblanadi. Uning ijodiy yo‘li va hayotiy qarashlari ko‘plab muxlislar hamda yosh aktrisalar uchun namuna bo‘lib xizmat qilmoqda.
Izohlar
0