Suniy intellekt texnologiyalarini ishlab chiquvchi yirik korporatsiyalar o'z dasturiy modellarini yanada takomillashtirish hamda yangi ma'lumotlar bazalarini boyitish maqsadida bosma nashrlarni, xususan, qog'oz kitoblarni keng ko'lamda xarid qilishni boshladi. Bu haqda Zamin.uz xabar berdi.
404 Media nashri tomonidan o'tkazilgan jurnalistik surishtiruv natijalariga ko'ra, mazkur kompaniyalar kitoblarni raqamlashtirish jarayonini yakunlagach, ularning jismoniy nusxalarini butunlay yo'q qilib tashlamoqda. Ushbu holat adabiy merosning kelajagi va saqlanib qolishi borasida jiddiy xavotirlarni yuzaga keltirmoqda.
Mutaxassislar fikricha, axborotni raqamli formatga o'tkazish jarayonida asl nusxalarning yo'q qilinishi madaniy boyliklarni asrash masalasida yangi muammolarni tug'dirishi mumkin. Hozirgi kunda texnologiya gigantlarining ushbu amaliyoti adabiyotshunoslar va kitobxonlar o'rtasida keng muhokamalarga sabab bo'lmoqda.
Mazkur jarayon intellektual mulk himoyasi va tarixiy manbalarni saqlab qolish bo'yicha xalqaro standartlarni qayta ko'rib chiqish zaruratini kun tartibiga qo'ymoqda.
Izohlar
0