Soch parvarishi jarayonida, xususan, tarash yoki yuvish vaqtida taroqda yoxud qo‘lda qolayotgan soch tolalari ko‘pchilik uchun tashvish uyg‘otishi tabiiy hol. Bu haqda Zamin.uz xabar berdi.
Biroq har qanday soch to‘kilishini ham jiddiy xastalik alomati deb baholash noto‘g‘ri. Tibbiyot xodimlarining kuzatishlariga ko‘ra, kuniga 50 dan 100 tagacha soch tolasining yangilanishi organizm uchun odatiy fiziologik jarayon hisoblanadi.
Asosiy e’tibor soch to‘kilishi ko‘rsatkichi me’yordan sezilarli darajada oshib ketgan holatlarga qaratilishi lozim. Bunday vaziyat yuzaga kelganda, muammoning ildizini aniqlash va tegishli choralarni ko‘rish maqsadga muvofiqdir.
Soch to‘kilishini keltirib chiqaruvchi omillar orasida birinchi o‘rinda stress va kuchli ruhiy hayajon turadi. Uzoq muddatli asabiy taranglik, psixologik bosim hamda og‘ir kechgan kasalliklar soch follikulalarining faoliyatiga salbiy ta’sir ko‘rsatib, ularning muddatidan avval to‘kilishiga olib kelishi mumkin.
Shuning uchun soch salomatligini saqlashda nafaqat tashqi parvarish, balki ruhiy xotirjamlik ham muhim o‘rin tutadi.
Izohlar
0