Nobel sovrindori Jon Jumper Google kompaniyasidan Anthropic tashkilotiga o‘tdi

Sunʼiy intellekt sohasida kutilmagan kadrlar almashinuvi yuz berdi. Bu haqda Zamin.uz xabar berdi.

Yaqinda kimyo yoʻnalishi boʻyicha Nobel mukofotiga loyiq deb topilgan taniqli olim John Jumper Google kompaniyasiga qarashli DeepMind laboratoriyasidagi faoliyatini yakunladi. Texnologiya olamining eng nufuzli mutaxassislaridan biri hisoblangan Jumper oʻzining keyingi ish faoliyatini Google kompaniyasining asosiy raqobatchilaridan biri boʻlgan Anthropic tashkilotida davom ettiradigan boʻldi.

Mazkur oʻzgarish haqidagi maʼlumotlarni Techcrunch.com portali eʼlon qildi. John Jumperning ushbu qarori sunʼiy intellekt industriyasida muhim voqea sifatida baholanmoqda.

Uning DeepMind laboratoriyasidagi ilmiy yutuqlari, xususan, oqsil tuzilishini bashorat qilish texnologiyalari soha rivojiga katta hissa qoʻshgan edi. Endilikda mutaxassis oʻz tajribasini Anthropic kompaniyasining loyihalarini rivojlantirishga sarflaydi.

Tahlilchilar fikricha, Jumperning bu transferi sunʼiy intellekt bozoridagi raqobatni yanada kuchaytirishi va kompaniyalar oʻrtasidagi kadrlar uchun kurashni yangi bosqichga olib chiqishi mumkin. Hozircha tomonlar ushbu oʻtishning aniq shartlari va olimning yangi lavozimdagi masʼuliyati yuzasidan batafsil izoh berishmagan.