Kaliforniya davlat idoralari Claude suniy intellektidan imtiyozli foydalanadi

Kaliforniya gubernatori Gevin Nyusom hamda suniy intellekt texnologiyalari sohasidagi yetakchi tashkilotlardan biri hisoblangan Anthropic kompaniyasi o‘rtasida o‘zaro strategik hamkorlik to‘g‘risidagi kelishuv imzolandi. Bu haqda Zamin.uz xabar berdi.

Ushbu hujjat suniy intellekt vositalarini davlat boshqaruvi tizimiga tatbiq etish yo‘lida muhim qadam bo‘lib xizmat qiladi. Kelishuv shartlariga ko‘ra, Kaliforniya shtatining barcha davlat muassasalari hamda mahalliy o‘zini o‘zi boshqarish organlari Anthropic kompaniyasining Claude nomli suniy intellekt chatbotidan foydalanishda maxsus imtiyozli tariflarga ega bo‘ladilar.

Mazkur tashabbus davlat xizmatchilari ish unumdorligini oshirish, ma’lumotlarni qayta ishlash jarayonlarini jadallashtirish hamda raqamli texnologiyalardan samarali foydalanishni maqsad qilgan. Hukumat vakillarining ta’kidlashicha, ushbu hamkorlik suniy intellekt sohasidagi innovatsiyalarni keng joriy etish orqali boshqaruv samaradorligini yangi bosqichga olib chiqishga ko‘maklashadi.

Shu bilan birga, mazkur loyiha biznes hamjamiyati uchun ham suniy intellekt yechimlaridan foydalanish borasida ijobiy signal hisoblanadi. Kelgusida mazkur texnologiyalar yordamida davlat xizmatlari sifatini yanada yaxshilash va aholiga ko‘rsatilayotgan xizmatlar tezligini oshirish rejalashtirilgan.