Ijtimoiy tarmoqlar va messenjer platformalari orqali 1 yanvar sanasidan e’tiboran avtomobillar uchun maxsus ekostikerlarni rasmiylashtirmagan haydovchilarga nisbatan Bazaviy hisoblash miqdorining 10 baravari miqdorida jarima qo‘llanilishi hamda mazkur stikerlarning pullik asosda berilishi haqidagi xabarlar keng tarqaldi. Bu haqda Zamin.uz xabar berdi.
Ushbu ma’lumotlar jamoatchilik orasida turli savollar va xavotirlarni keltirib chiqardi. Mazkur holat yuzasidan Ichki ishlar vazirligi Jamoat xavfsizligi departamenti Yo‘l harakati xavfsizligi xizmati rasmiy munosabat bildirdi.
Mutasaddilar tarqalgan xabarlarning qanchalik haqiqatga yaqinligi va amaldagi tartib-qoidalar borasida aniqlik kiritish maqsadida vaziyatni o‘rganib chiqishdi. Ayni paytda haydovchilardan tasdiqlanmagan ma’lumotlarga tayanmaslik hamda faqat rasmiy manbalar orqali e’lon qilinadigan xabarlarga e’tibor qaratish so‘ralmoqda.
Yo‘l harakati xavfsizligi xizmati tomonidan mazkur masala bo‘yicha batafsil tushuntirish berilishi kutilmoqda.
Izohlar
0