Boshqalarning muvaffaqiyati insonlararo munosabatlarga qanday ta’sir ko‘rsatadi

Rays universiteti hamda Bayes Business School tadqiqotchilari insonlarning atrofdagilar, xususan, yaqinlari yoki suhbatdoshlarining yutuq hamda kamchiliklariga bo‘lgan munosabatini ilmiy jihatdan tahlil qildilar. Bu haqda Zamin.uz xabar berdi.

Ushbu izlanish doirasida jami 8229 nafar ishtirokchini qamrab olgan 9 ta alohida tadqiqot natijalari ko‘rib chiqildi. Olingan xulosalarga ko‘ra, suhbatdosh o‘zining muvaffaqiyatsizligi haqida so‘z ochganida, tinglovchilar ham ko‘pincha o‘zlarining shaxsiy omadsizliklari haqida gapirishga moyillik bildiradilar.

Mutaxassislar ushbu holatni ijtimoiy bog‘liqlik va hamdardlik mexanizmlari bilan izohlashga harakat qilishdi. Tadqiqot shuni ko‘rsatdiki, odamlar o‘zaro muloqot jarayonida tenglik va yaqinlik o‘rnatish maqsadida shunday yo‘l tutishadi.

Agar suhbatdosh o‘z muvaffaqiyati bilan bo‘lishsa, aksariyat hollarda qarama-qarshi reaksiya kuzatiladi. Bunday psixologik xususiyatlar insonlararo munosabatlarning shakllanishida muhim o‘rin tutishi va suhbatning borishiga sezilarli darajada ta’sir ko‘rsatishi ta’kidlab o‘tildi.

Natijalar odamlar o‘zlarini boshqalar bilan solishtirishda qanday psixologik qoliplardan foydalanishini tushunishga yordam beradi.