O‘zbekiston moliya va fintex sektorida mijozlar mablag‘larining xavfsizligi hamda bank tizimining barqarorligi yuzasidan jiddiy savollar tug‘ilmoqda. Bu haqda Zamin.uz xabar berdi.
OneDev kompaniyasi asoschisi va rahbari Aleksey Moskovsev o‘zining AVO bankdagi shaxsiy hisob raqami bloklangani hamda 134 kun davomida mablag‘larini tasarruf eta olmayotgani haqida rasmiy bayonot berdi. Tadbirkorning ta’kidlashicha, mazkur holat uning moliyaviy faoliyatiga to‘sqinlik qilmoqda.
Ma’lum bo‘lishicha, Aleksey Moskovsev notarial tartibda tasdiqlangan oldi-sotdi shartnomasi asosida o‘z ko‘chmas mulkini realizatsiya qilgan va sotuvdan tushgan mablag‘ni bankdagi hisob raqamiga joylashtirgan. Biroq, ushbu operatsiyadan keyin bank tomonidan mablag‘larning harakati cheklab qo‘yilgan.
Tadbirkor o‘z mablag‘larini qaytarib olish borasida uzoq vaqt davomida muassasa bilan muzokaralar olib borgan bo‘lsa-da, masala haligacha o‘z yechimini topmagan. Ushbu voqea mamlakatdagi bank xizmatlari va mijozlar huquqlarini himoya qilish mexanizmlari qanchalik samarali ishlayotgani borasida jamoatchilik va ekspertlar o‘rtasida qizg‘in muhokamalarni keltirib chiqardi.
Hozircha bank tomoni mazkur vaziyat yuzasidan batafsil izoh bermagan.
Izohlar
0